TENGENEZA MWENYEWE BALBU CHUPA YA JUA

Balbu chupa ya  jua ni balbu inayotokana na chupa ya maji  iliyotupwa kama taka kwa kujaza maji pamoja na jiki (bleach)  ili kupata mchanganyiko ndani ya chupa unao pindisha (refraction) miale ya jua. Balbu  chupa ya jua yenye mchanganyiko wa maji na jiki (bleach) , inatakiwa nusu chupa upande wa mdomo kuwa nje ya bati na kitako cha chupa kuwa ndani. Hivyo maji yenye mchanganyiko wa jiki (bleach) hupindisha miale ya jua na kufanya eneo lenye giza kupata mwanga huo wa kati wa mchana hasa katika nyumba za makazi msongamano.

Usanifu huu wa balbu chupa ya jua (solar bottle bulb) umewezesha kupunguza umaskini wa nishati ya mwanga kwa nyumba ambazo hazipati mwanga safi wakati wa mchana kutokana  na kutokuwa na uwezo wa kuunganishiwa umeme wa gridi ya taifa. Usanifu huu umeweza kuwa rahisi kutokana na upatikanaji wa rasilimali hasa chupa zilizotupwa kama uchafu ambazo huchukua zaidi ya miaka  mia tano kuoza hivyo kuzorotesha afya ya mazingira.Pia usanifu huu wa balbu chupa ya umeme jua umesaidia katika mrudisho na matumizi rafiki na mazingira.

MAHITAJI

Chupa ya maji iliyoisha matumizi yake hasa ya lita 1

Jiki (bleach) ya kufulia nguo

Maji safi

Kipande cha bati inchi 9 kwa 10

JINSI YA KUUNGA

Kata mzingo saizi ya kipenyo cha chupa  kwenye kipande cha bati 9 kwa 10

Mzunguko wa mzingo ukatwe vizuri ili kufanya chupa ifiti kwa uthabiti

Kata kipande cha mpira cha saizi ya mzunguko ili kusaidia chupa kushika vizuri ikisaidiwa na gundi.

JINSI YA KUFUNGA

Jaza maji safi kwenye chupa ya lita moja

Weka kiwango cha kifuniko kimoja cha jiki kwenye kwenye chupa ya maji lita moja kupata mchanganyiko wa maji na jiki na funga vizuri kwa kupakalia na gundi.

Baada ya hapo fitisha chupa hiyo ya mchanganyiko kwenye kipande cha bati cha inchi 9 kwa 10 kwa kupakalia gundi ya plastiki pamoja na mzunguko wa kipande cha mpira.

Kata bati la paa ya nyumba saizi ya uwazi mdogo wa 7 kwa 8 ili kupachika kipande cha bati 9 kwa 10 chenye chupa balbu kwenye paa la nyumba.

Paka gundi ya bati upande wa juu pembezoni ya uwazi wa bati 7 kwa 8 ili kufitisha  kipande cha bati cha 8 kwa 10 chenye balbu chupa ya umeme jua

Baada ya hapo utakuwa tayari umefutisha kipande cha bati kwenye paa la nyumba na kuwa tayari kupata mwanga wa balbu jua kupitia chanzo cha nishati ya jua.

FAIDA YA CHUPA BALBU YA UMEME JUA

Balbu chupa ya jua ina uwezo wa kutoa mwanga wa wati 55 wa kati wa mchana jua likiwaka

Rafiki wa mazingira kutokana na mrudisho kwenye matumizi ya chupa tupu ya plastiki baada ya kuisha matumizi yake.